ABŞ və Britaniya ticarət razılaşmasına dair danışıqları sürətləndirəcək

Böyük Britaniya və ABŞ sərbəst ticarət sazişi ilə bağlı məsləhətləşmələrin aparılmasını sürətləndirəcək.

“Report” xəbər verir ki, bu barədə ABŞ-ın ticarət danışıqlardakı nümayəndəsi Robert Laythayzerin aparatı tərəfindən yayılan açıqlamada deyilir.

Birləşmiş Krallıq tərəfindən danışıqlarda Ticarət naziri Elizabet Trass iştirak edir.

Qeyd olunub ki, razılaşma iki ölkənin iqtisadiyyatını gücləndirəcək, ticarət və investisiya üçün imkanları əhəmiyyətli dərəcədə artıracaq. İki ölkə arasında ticarət dövriyyəsi 269 milyard ABŞ dolları təşkil edib.

Xatırladaq ki, Böyük Britaniya ilə ABŞ arasında sərbəst ticarət sazişi imzalamaq üçün videokonfrans formatında danışıqlara başlanılıb.