ABŞ ölkənin 7 aviaşirkəti üçün açdığı kredit xəttini bağlayıb

ABŞ-ın Maliyyə Nazirliyi koronavirus pandemiyası ilə əlaqədar ölkənin 7 aviaşirkəti üçün açdığı kredit xəttini bağlayıb.

“Report” bu barədə xarici mətbuata istinadən xəbər verir.

Məlumata görə, həmin aviaşirkətlər “United Airlines”, “American Airlines”, “Alaska Airlines”, “Frontier Airlines”, “JetBlue Airways”, “Hawaiian Airlines” və “SkyWest Airlines”dır. Şirkətlər məşğulluğun qorunması proqramı çərçivəsində verilən maliyyə dəstəyinin dayandırılmasından sonra 30 mindən çox işçini ixtisar edəcəklərini bəyan edib.