ABŞ-ın antivirus istehsalçısı həbs olunub

Vergidən yayınmağa görə haqqında beynəlxalq axtarış və həbs qərarı olan ABŞ-ın antivirus proqramı istehsalçısı John McAfee İspaniyanın Barselona şəhərinin “El Prat” aeroportunda həbs olunub.

“Report” xəbər verir ki, bu barədə İspaniyanın rəsmi xəbər agentliyi EFE məlumat yayıb.

2014-2018-ci illər arasında ABŞ-da vergidən yayınmaqda günahlandırılan 75 yaşlı McAfee, həmçinin kriptovalyuta satışlarında səhv məlumatlar verərək 23 milyon ABŞ dollarından çox qazanc əldə edib. Təqsiri sübut olunsa, onu 6 il həbs gözləyir.