MDB-nin elmi və yaradıcı ziyalılarının XIV forumu keçiriləcək

Mayın 14-17-də Türkmənistan paytaxtı Aşqabadda MDB-nin elmi və yaradıcı ziyalılarının “MDB-nin müştərək humanitar məkanı: mədəniyyət, elm, təhsil dialoqu” mövzusunda XIV forumu keçiriləcək.

“Report” “BelTA”ya istinadən xəbər verir ki, bu barədə MDB-nin Dövlətlərarası Humanitar Əməkdaşlıq Fondunun Mətbuat xidmətindən məlumat verilib.

Bildirilib ki, tədbirdə Azərbaycan, Belarus, Ermənistan, Qazaxıstan, Qırğız Respublikası, Moldova, Özbəkistan, Rusiya və Tacikistandan 200-dən artıq nümayəndə iştirak edəcək.

Türkmənistan prezidenti Qurbanqulu Berdiməhəmmədovun da iştirakı gözlənilən forum çərçivəsində “Türkmənistan Böyük İpək Yolunun qəlbidir” adlı əsas panel Avrasiya miqyasındakı humanitar əməkdaşlıq məsələlərinə həsr olunacaq.