Kvemo Kartlidə (Borçalı) koronavirusa yeni yoluxma halları təsdiqlənməyib.
“Report”un yerli bürosu xəbər verir ki, bu barədə bölgənin qubernatoru Şota Rexviaşvili məlumat verib.
O deyib ki, ötən gün epidemioloqlar Bolnisi və Marneuli rayonlarında intensiv tibbi yoxlama həyata keçiriblər: “Marneulidə koronavirusla bağlı test olunan 303, Bolnisidə isə 35 nəfərdə virus aşkarlanmayıb”.
Qeyd edək ki, indiyədək Kvemo Kartlidə koronavirusa 198 nəfər yoluxub. Gürcüstan üzrə COVID-19-a ümumi yoluxma hallarının 33%-i bu bölgənin payına düşür.