Azərbaycanda ani ödəniş sistemi nə vaxt hazır olacaq?

“Azərbaycan Mərkəzi Bankının hazırladığı ani ödəniş sistemi bu ilin sonuna qədər tam istifadəyə veriləcək”.

“Report” xəbər verir ki, bunu AMB-nin departament rəhbəri Kəmalə Qurbanova qurumda keçirilən mətbuat konfrasında deyib.

“Gələn ay pilot layihə üzrə seçilmiş banklarla bu sistemi ictimaiyyətə təqdim edəcəyik. Ani ödəniş sistemi bu gün ölkədə olan ödəniş sistemlərindən fərqli olacaq və iki tərəf arasında 7/24/365 rejimində əməliyyat aparmağa imkan verəcək”, - deyə o, qeyd edib.