Bakıda xəsarətlə nəticələnən yol qəzası baş verib.
"Report"un məlumatına görə, hadisə paytaxtın Ziya Bünyadov prospektində qeydə alınıb.
Belə ki, 42-BM-191 dövlət nömrə nişanlı "VAZ 2107" markalı avtomobil sürət həddini aşaraq, arxadan 10-UN-264 dövlət nömrə nişanlı "Ford" markalı avtomobilə çırpılıb. Hadisə nəticəsində sərnişinlərdən biri xəsarət alıb. Qəza yerinə təcili tibbi yardım briqadası və DYP əməkdaşları cəlb olunub.