​Dünya Bankının enerji məsələləri üzrə missiyası Azərbaycana gəlib

Bakı. 14 oktyabr. REPORT.AZ/ Dünya Bankının enerji məsələləri üzrə missiyası Azərbaycana səfər edib. "Report"un Dünya Bankının Azərbaycan nümayəndəliyindən əldə etdiyi məlumata görə, işçi qrup "Azərişıq" ASC ilə yeni hazırlanan layihənin detallarını müzakirə etmək üçün Bakıdadır.

Məlumata görə, Dünya Bankının enerji üzrə baş mütəxəssisi Salvador Riveranın rəhbərlik etdiyi missiyanın Azərbaycana səfəri həftənin sonunadək planlaşdırılıb.

İşçi qrupunun Azərbaycan Energetika Nazirliyi ilə də görüşlər keçirəcəyi planlaşdırılır.