Səyavuş Heydərov: "Ehtiyac olduğu halda ibadətgahların daxilində və ətrafında kameralar quraşdırıla bilər"

Bakı 23 yanvar.REPORT.AZ/ "Bəzi ölkələrin təcrübəsinə əsasən, ehtiyac olduğu halda təhlükəsizlik məsələləri ilə bağlı ibadətgahların daxilində və ətrafında kameralar quraşdırıla bilər".

Bunu "Report"a açıqlamasında Dini Qurumlarla İş üzrə Dövlət Komitəsinin sədr müavini Səyəvuş Heydərov deyib.

Onun sözlərinə görə, bu, ondan irəli gəlir ki, bəzi ölkələrdə ibadətgahlarda terror aksiyaları və ona cəhd halları olur: "O baxımdan əgər zərurət yaranarsa, təhlükəsizlik məqsədi ilə buna icazə verilir. Azərbaycan ərazisindəki bəzi ibadətgahların, məscidlərin daxilində və eləcə də giriş hissələrində təhlükəsizlik kameraları quraşdırılıb."

S.Heydərov bildirib ki, kameraların quraşdırılması və ona nəzarəti Qafqaz Müsəlmanları İdarəsinin sifarişi ilə DİN-nin müvafiq strukturu həyata keçirir.