Dünyada COVID-19-a yoluxanların sayı 19 milyonu ötdü

Dünyada koronavirus xəstələrinin ümumi sayı 19 milyonu ötüb.

"Report" xəbər verir ki, bu barədə ABŞ-ın Corc Hopkins Universiteti məlumat yayıb. 

Qeyd edilir ki, ABŞ yoluxma sayında liderliyini saxlayır. Birləşmiş Ştatlarda COVID-19-a demək olar 4,9 milyon yoluxma qeydə alınıb.  

Pandemiya ərzində dünyada təxminən 712,5 min insan təhlükəli infeksiyadan ölüb. Onlardan 160 mindən çox ABŞ-ın payına düşür.