Dünyada COVID-19-a yoluxma hallarının sayı 26 milyonu keçib

Dünyada yeni növ koronavirusa yoluxma hallarının sayı 26 milyonu keçib.

“Report” TASS-a istinadən xəbər verir ki, bunu beynəlxalq təşkilatlar, federal və yerli hakimiyyət orqanlarının məlumatları əsasında hesablama aparan ABŞ-ın Con Hopkins Universitetinin məlumatları göstərir.

Məlumata görə, dünyada virusa yoluxmuşların sayı hazırda 26 036 255 nəfərdir. Eyni zamanda 863 119 nəfər COVID-19 qurbanı olub, 17 294 713 nəfər isə virusdan sağalıb.

Dünya üzrə ən çox yoluxma halları ABŞ (6 144 406 nəfər), Braziliya (3 997 865) və Hindistanda (3 853 406) qeydə alınıb.