Avropa Oyunlarında Azərbaycanı təmsil edən karateçilər və akrobatlar Vətənə qayıdıblar - FOTO

Minsk 2019 Avropa Oyunlarında Azərbaycanı təmsil edən karateçilər və akrobatlar bu gün Vətənə qayıdıblar.

“Report” xəbər verir ki, Heydər Əliyev Beynəlxalq Hava Limanında idmançıları azarkeşlər, idman ictimaiyyətinin nümayəndələri, KİV təmsilçiləri, federasiyaların rəsmiləri və idmançıların yaxınları qarşılayıblar.

Azərbaycan karateçiləri "Minsk 2019"da 5 medal qazanıb.

Asiman Qurbanlı (+84 kq) qızıl, Rafael Ağayev (75 kq), Firdovsi Fərzəliyev (60 kq) gümüş, İrina Zaretska (68 kq) gümüş, Roman Heydərov (kata) bürünc medal əldə edib.

Qeyd edək ki, ikinci Avropa Oyunlarında ümumilikdə 82 idmançı ilə təmsil olunan Azərbaycan millisi 28 medal qazanıb.