​Mariya Stadnik: "Məsuliyyətimizi başa düşürük"

Bakı. 1 iyun. REPORT.AZ/ Qadın güləşi üzrə Azərbaycan milli komandası "Bakı 2015" I Avropa Oyunlarına hazırdır. "Report"un məlumatına görə, bu barədə jurnalistlərə açıqlamasında Olimpiya mükafatçısı, dünya və 4 qat Avropa çempionu Mariya Stadnik bildirib.

27 yaşlı pəhləvan Monqolustan yığması ilə birgə təlim-məşq toplanışlarının yüksək səviyyədə keçdiyini vurğulayıb. Son iki həftə ərzində keçirdiyimiz məşqləri qalan müddətdə də təkrarlayacağıq. Həyəcanlıyıq, amma məsuliyyətimizi başa düşürük. Bu həyəcan bizə mane olmur, əksinə, əlavə stimul verir".

Qeyd edək ki, "Bakı 2015" I Avropa Oyunlarında güləş yarışları 13 - 18 iyunda Heydər Əliyev adına İdman Sarayında təşkil olunacaq.