Bakı. 5 fevral. REPORT.AZ/ İyunun 8-də Serbiyanın paytaxtı Belqradda start götürəcək kayak və kanoe üzrə Avropa çempionatı 2019-cu ildə Minskdə keçiriləcək II Avropa Oyunlarına lisenziya xarakteri daşıyacaq.
“Report” xəbər verir ki, bu barədə Avropa Kanoe Assosiasiyası məlumat yayıb. Nüfuzlu reqata ç gün davam edəcək.
II Avropa Oyunlarında kayak və kanoe yarışları Zaslavldakı kanalda olacaq. Bu, Minskdən kənarda təşkil ediləcək yeganə yarışdır. 16 dəst medal uğrunda 350 idmançının mübarizə aparacağı gözlənilir.
Qeyd edək ki, II Avropa Oyunları gələn il 21 – 30 iyunda keçiriləcək.