​I Avropa Oyunları Ukraynada yayımlanacaq

Bakı. 13 may. REPORT.AZ/ "Bakı 2015" I Avropa Oyunları Ukraynada da yayımlanacaq. "Report"un yerli mətbuata istinadən verdiyi məlumata görə, Oyunlar "1-ci milli kanal" (НТКУ) vasitəsilə tamaşaçılara təqdim ediləcək.

Kanal Avropa Oyunlarının 100 saatının yayım hüququna malik olacaq. Artıq tərəflər arasında yayım müqaviləsi imzalanıb.

Qeyd edək ki, 12 - 28 iyunda keçiriləcək I Avropa Oyunları Avropa, ABŞ, Hindistan, Çin və bir çox ölkələrdə yayımlanacaq.