Bakı. 16 iyun. REPORT.AZ/ Avstriya yığmasının futbolçusu Zlatko Yunuzoviç Fransada keçirilən Avropa çempionatında komandasının növbəti oyununu buraxacaq. "Report"un Avstriya Futbol Federasiyasının rəsmi saytına istinadən verdiyi məlumata görə, 28 yaşlı yarımmüdafiəçidə sağ ayağının bud nahiyəsindəki bağlarında qırılma aşkarlanıb.
O, zədəni Macarıstana 0:2 hesabı ilə uduzduqları ilk tur qarşılaşmasında alıb. Avstriya növbəti turda Portuqaliya ilə üz-üzə gələcək. Oyun iyunun 18-də keçiriləcək. Komandası qrupdan çıxsa, Yunuzoviç "pley-off" matçlarında oynaya biləcək.