Qazaxıstan və Azərbaycan arasında kənd təsərrüfatı sahəsində ikitərəfli ticarət dövriyyəsinin həcmi 146 milyon dollar olub

"Qazaxıstan və Azərbaycan arasında kənd təsərrüfatı sahəsində qarşılıqlı faydalı əməkdaşlıq üçün böyük potensial mövcuddur".

“Report” “Kazinform”a istinadən xəbər verir ki, bunu Qazaxıstan Prezidenti Kasım-Jomart Tokayev Azərbaycan Prezidenti İlham Əliyev ilə danışıqların yekunları üzrə keçirilən mətbuat konfransında deyib.

"Ötən ilin yekunlarına görə, kənd təsərrüfatı məhsullarının ikitərəfli ticarət həcmi 3 dəfə artaraq 146 milyon ABŞ dolları təşkil edib. Beləliklə, bu gün kənd təsərrüfatı ümumi ticarət dövriyyəmizin üçdə birindən çoxunu təşkil edir. Biz kənd təsərrüfatı məhsullarının qarşılıqlı tədarükünün artırılmasının vacibliyini qeyd etdik", - Tokayev bildirib.