Naxçıvanda kənd təsərrüfatı məhsulları istehsalı 3,4 faiz artıb

Naxçıvanda kənd təsərrüfatı məhsulları istehsalı 3,4 faiz artıb.

“Report”un məlumatına görə, bu barədə muxtar respublikanın Dövlət Statistika Komitəsinə istinadən xəbər verib.

Cari ilin yanvar-iyul aylarında Naxçıvan Muxtar Respublikasında 279 milyon 683 min 600 manatlıq kənd təsərrüfatı məhsulları istehsal olunub ki, bu da 2021-ci ilin müvafiq dövrü ilə müqayisədə 3,4 faiz çoxdur.

Bu dövr ərzində diri çəkidə ət istehsalı 15 257 ton, süd istehsalı 63 370 ton olub. 2021-ci ilin müvafiq dövrü ilə müqayisədə ət istehsalı 7,9 faiz, süd istehsalı isə 1,5 faiz artıb.