Naxçıvanda kənd təsərrüfatı istehsalı 2 %-ə yaxın artıb

Bu ilin yanvar-may aylarında Naxçıvan Muxtar Respublikasında 86,6 milyon manat dəyərində kənd təsərrüfatı məhsulu istehsal olunub.

Bu barədə "Report"un yerli bürosuna Naxçıvanın Dövlət Statistika Komitəsindən bildirilib.

Məlumata görə, bu, ötən ilin eyni dövrü ilə müqayisədə 1,7 % çoxdur.

5 ay ərzində muxtar respublikanın aqrar sektorunda 8,6 milyon manatlıq bitkiçilik məhsulları, 78 milyon manatlıq heyvandarlıq məhsulları istehsal olunub.