Naxçıvan iqtisadiyyatı 1%-dən çox böyüyüb

Bakı. 22 iyun. REPORT.AZ/ Bu ilin yanvar-may aylarında Naxçıvan MR-da 959,713 mln. manatlıq ümumi daxili məhsul (ÜDM) istehsal olunub. 

"Report" yerli Dövlət Statistika Komitəsinə istinadən xəbər verir ki, bu, 2017-ci ilin eyni dövrü ilə müqayisədə 1,3% çoxdur.

Son 1 ildə muxtar respublikada adambaşına düşən ÜDM isə 2,6% artaraq 2 117 manata çatıb.

Naxçıvan iqtisadiyyatındakı payına görə ilk yeri sənaye sahəsi tutur. Bu sahə üzrə 431,456 mln. manat dəyərində ÜDM istehsal edilib. Bu da illik müqayisədə 1,6% çoxdur.