Kənd Təsərrüfatı Nazirliyində kadr dəyişikliyi olub

Bakı. 21 noyabr. REPORT.AZ/ Kənd Təsərrüfatı Nazirliyi (KTN) yanında Aqrar Elm və İnformasiya Məsləhət Mərkəzinin (AEİMM) Üzümçülük və Şərabçılıq Elmi-Tədqiqat İnstitutunun direktoru Tariyel Pənahov mərkəzin direktor müavini təyin edilib.

Bu barədə “Report”a KTN-nin İctimaiyyətlə əlaqələr və informasiya təminatı şöbəsinin müdir müavini Vüqar Hüseynov məlumat verib. 

Onun sözlərinə görə, bununla bağlı nazir İnam Kərimov əmr imzalayıb. 

Qeyd edək ki, AEİMM-in tərkində 9 institut fəaliyyət göstərir.