Gələn il Azərbaycanda tütün istehsalının 37%-ə yaxın artacağı gözlənilir

Bakı. 29 oktyabr. REPORT.AZ/ Gələn il Azərbaycanda 8,2 min ton tütün istehsalı proqnozlaşdırılır ki, bu da 2018-ci il proqnozu (6 min ton) ilə müqayisədə 36,67% çoxdur.

“Report”un məlumatına görə, bu barədə 2019-cu ilin büdcə zərfində bildirilir. 

Məlumata görə, 2020-ci ildə ölkədə 9,5 min ton, 2021-ci ildə 12 min ton, 2022-ci ildə 12,6 min ton tütün istehsal olunacağı gözlənilir.