Buğda xəstəlikləri ilə mübarizəyə dair yeni layihənin icrasına başlanılıb 

BMT Ərzaq və Kənd Təsərrüfatı Təşkilatının (FAO) Mərkəzi Asiya və Qafqazda buğda xəstəliklərinin effektiv idarə olunmasını təşviq etdirilməsinə dair layihəsi (CAC-Rust) FAO-Türkiyə Tərəfdaşlıq Proqramı çərçivəsində buğda xəstəliklərinə qarşı mübarizə sahəsində regional əməkdaşlığın gücləndirilməsi üçün yeni layihəyə başlanılıb.

Bu barədə “Report”a FAO-dan bildirilib.

Məlumatda deyilir ki, buğda dünyada ən çox yetişdirilən məhsuldur, Orta Asiya həmçinin Qafqaz da daxil olmaqla bir çox bölgədə ərzaq təhlükəsizliyinin təmin olunmasında əsas məhsul olmaqla yanaşı bölgədəki başlıca məhsul hesab olunur. Əsasən kiçik fermer təsərrüfatlarında istehsal olunan buğda, insanların enerji və zülal ehtiyaclarının təxminən 60 %-ini təmin edir. Bununla yanaşı, buğda xəstəlikləri məhsul və istehsalın davam etdirilməsini təhlükə altında saxlayır və bu da xəstəliyin davamlı şəkildə izlənilməsi, beynəlxalq əməkdaşlığı zərurətə çevirir.

Bu məqsədlə FAO-Türkiyə Ərzaq və Kənd Təsərrüfatı Tərəfdaşlıq Proqramı, Mərkəzi Asiya və Qafqazda buğda xəstəliklərinin idarə edilməsi və mübarizəsi üçün regional əməkdaşlığı və milli potensialı gücləndirmək üçün yeni bir layihəyə başlayıb (CAC-Rust). 2024-cü ilə qədər davam edəcək layihə Orta Asiya və Qafqazdakı yeddi ölkəni - Azərbaycan, Qazaxıstan, Qırğızıstan, Tacikistan, Türkiyə, Türkmənistan və Özbəkistanı əhatə edəcək.

Bu gün keçirilən regional tədbirdə layihənin açılış mərasimi baş tutub. Virtual tədbir zamanı əsas təmsilçilər, iştirakçı ölkələrin rəsmiləri - regional əməkdaşlıq, milli nəzarət sistemi, növ analizi, inteqrasiya olunmuş xəstəliklərin idarə olunması və buğda xəstəliklərinin qarşısının alınması üzrə müzakirələr baş tutub.

Layihənin Türkiyənin İzmir şəhərində yerləşən Regional Taxıl Xəstəliklərinin Araşdırma Mərkəzi, Quru bölgələrdə Beynəlxalq Kənd Təsərrüfatı Tədqiqatları Mərkəzi və Beynəlxalq Buğda və Qarğıdalı Məhsullarının İnkişaf Etdirilməsi mərkəzi kimi milli qurumlar və beynəlxalq təşkilatlar arasında əməkdaşlığın gücləndirilməsi gözlənilir.

Tədbirdə FAO və Türkiyə Kənd Təsərrüfatı Nazirliyinin yüksək vəzifəli mütəxəssisləri də iştirak etdi. FAO-nun siyasi məsələlər üzrə baş mütəxəssisi Sumiter Broca, buğdanın qida təhlükəsizliyi baxımından əhəmiyyətini, həm də biotik və abiotik stresslərə qarşı davamlılığını artırmağın vacibliyini vurğuladı. Nazirliyin Avropa Birliyi və Xarici Əlaqələr şobəsinin baş direktor müavini Volkan Güngören, bölgədəki ərzaq təhlükəsizliyinin təmin edilməsi üçün regional əməkdaşlığın əhəmiyyətini və FAO-Türkiyə Tərəfdaşlıq Proqramı vasitəsilə Türkiyənin bu əməkdaşlığı gücləndirmək səylərini vurğulayıb.