Azərbaycan bu il kərə yağı idxalını 32%-dən çox artırıb

Bu ilin yanvar-may ayları ərzində Azərbaycan 35,8 mln ABŞ dolları dəyərində 7,2 min ton kərə yağı və süddən hazırlanmış digər yağlar idxal edib.

“Report” Dövlət Gömrük Komitəsinə istinadən xəbər verir ki, bu, məbləğ baxımından 2018-ci ilin eyni ayının göstəriciləri ilə müqayisədə 8,7 mln ABŞ dolları (32%), həcm baxımından isə illik müqayisədə 1,7 min ton (32,4%) çoxdur.

Bu ilin yanvar-may aylarında kərə yağı və süddən hazırlanmış digər yağların idxalı Azərbaycanın ümumi idxalının 0,86%-ni təşkil edib.