Azərbaycan Avropada toyuq filesinin ən ucuz olduğu ölkələr arasında yer alıb

Azərbaycan toyuq filesinin qiymətinə görə ən ucuz olduğu ölkələr arasında Avopada dördüncü yerdə qərarlaşıb.

“Report” xarici mətbuata istinadən xəbər verir ki, bu, ağıllı alış-veriş platforması olan “Picodi.com”un hazırladığı reytinqdə öz əksini tapıb.

Məlumata görə, hazırda 1 kq toyuq filesinin ən aşağı qiyməti Türkiyədə (3,64 ABŞ dolları), Rusiyada (3,68 ABŞ dolları), Ukraynada (3,95 ABŞ dolları), Azərbaycanda (4,34 ABŞ dolları) və Belarusda (4,39 ABŞ dolları), ən yüksək qiyməti isə İsveçrədə (27,62 ABŞ dolları), İslandiyada (17,98 ABŞ dolları) və Norveçdə (13,31 ABŞ dolları) qeydə alınıb.