​"Aqrolizinq"in bölgələrdə yeni bölmələri işə başlayıb

Bakı. 1 iyul. REPORT.AZ/ Azərbaycanda "Aqrolizinq" ASC-nin regional nümayəndəliklərinin 12 bölməsi artıq bölgələrdə fəaliyyətə başlayıb. Bunu "Report"a Kənd Təsərrüfatı Nazirliyinin mətbuat xidmətinin rəhbəri Murtuzəli Hacıyev bildirib.

Bu bölmələrin yaradılmasında əsas məqsəd fermerlərə xidmət sahələrini gücləndirmək, səmərəliliyi artırmaqdan ibarətdir.

M.Hacıyev qeyd edib ki, yeni yaradılan struktur bölmələri rəhbərliyin ciddi nəzarəti altındadır və onların fəaliyyətinə dair tələblər qoyulub.