“Bütün səylərimiz Ermənistanla Azərbaycan arasında dialoqun bərpasına və sülhə yönəlib”.
“Report” “Sputnik Armenia”ya istinadən xəbər verir ki, bunu İrəvanda səfərdə olan Fransa Milli Assambleyasının sədri Yael Braun-Pivet deyib.
O bildirib ki, mümkün sülhə və dialoqa aparan yol tükənmədikcə və bununla bağlı bütün yolları sınamamış başqa tədbirləri tətbiq etmək yersizdir: “Enerjimiz 100 faiz bu istiqamətdə yönəlib”.
Spikerin sözlərinə görə, Fransa rəhbərliyi hesab edir ki, Ermənistanla Azərbaycan arasında dialoqun bərpası ən mühüm məsələdir.