Bakı. 7 fevral. REPORT.AZ/ Almaniyanın Leypsiq şəhərində “Ətraf mühit və enerji texnologiyaları” üzrə XX beynəlxalq tərəfdaşlıq forumu baş tutacaq.
Azərbaycanda İxracın və İnvestisiyaların Təşviqi Fondundan (“Azpromo”) “Report”a verilən məlumata görə, forum aprelin 5-dən 7-dək davam edəcək.
Azərbaycanda sözügedən sahədə fəaliyyət göstərən iş adamları forumda iştiraka dəvət olunublar.
Tədbirdə iştirak etmək istəyən sahibkarlar “Azpromo”ya müraciət edə bilərlər.