Rusiyanın Adıgey Respublikasında "Ozon" logistika mərkəzində dron hücumu yanğına səbəb olub.
"Report"un məlumatına görə, şirkət bu barədə Teleqram kanalında açıqlayıb.
"Biz bütün işçiləri qısa zamanda təxliyə etdik; heç kim xəsarət almayıb. Yanğın baş verib və təcili yardım xidmətləri hadisə yerində işləyir", - məlumatda deyilir.
Qeyd olunur ki, mərkəzdən gələn məhsullar nümayişdən çıxarılacaq və "Ozon"un digər yerlərdən çatdıra bilmədiyi sifarişlər ləğv ediləcək.
Logistika mərkəzi hazırda satıcılardan çatdırılmaları qəbul etmir, tranzitdə olanlar isə digər yerlərə yönləndiriləcək.
Daha əvvəl Omsk və Sankt-Peterburqda "Ozon" logistika mərkəzlərinə dronlar hücum edib; hər iki yerdə yanğınlar qeydə alınıb, lakin tələfat qeydə alınmayıb.
Şirkət bildirib ki, 2026-cı ilin avqustundan bəri hücumlar nəticəsində itkilər 30 milyard rublu (367 milyon dollardan çox) keçib.