Mart ayından 30 aprelə qədər Rusiya Federasiyasının Silahlı Qüvvələrində və hərbi təhsil müəssisələrində 2 770-dən çox şəxsdə koronavirus aşkar edilib.
“Report” xəbər verir ki, bu barədə məlumat Rusiya Müdafiə Nazirliyinin bülletenində yer alıb.
Qeyd olunub ki, koronavirusa yoluxanların 1 068-i hərbçidir. Orduda işləyən 285 mülki şəxsdə də COVID-19 testi müsbət nəticələnib.
Ümumilikdə 29 aprel tarixinə qədər Rusiya Federasiyasının ordu və hərbi təhsil müəssisələrində 2 775 nəfərdə koronavirus infeksiyası aşkarlanıb.