“Rusiyanın Ermənistana yanaşmasını düşmən münasibət saymıram”.
“Report” xəbər verir ki, bunu Ermənistanın baş naziri Nikol Paşinyan mayın 22-də İrəvanda keçirdiyi mətbuat konfransında bildirib.
Moskvanın İrəvana münasibətindən danışan hökumət başçısı deyib ki, ikitərəfli əlaqələrin inkişafına ehtiyac var.
“Əksinə, biz münasibətlərimizin inkişafı və dərinləşməsi üçün hər şeyi etməliyik”, - o vurğulayıb.
Qeyd edək ki, son zamanlar Rusiyanın Ermənistana münasibətinin dəyişməsinə dair müxtəlif fikirlər səsləndirilir.