Gürcüstanda son sutkada daha 158 nəfərin koronavirusa yoluxduğu müəyyən edilib, 9 pasiyent sağalıb.
“Report”un yerli bürosu xəbər verir ki, bu barədə Gürcüstan hökumətinin xüsusi rəsmi saytında bildirilib.
Bununla da qonşu ölkədə indiyədək COVID-19 diaqnozu qoyulanların sayı 2 075-ə, sağalanların sayı isə 1 363-ə çatıb. Xəstəlikdən 19 nəfər vəfat edib.
Hazırda Gürcüstan üzrə 5 882 nəfər karantində, 390 nəfər isə stasionar nəzarətdə saxlanılır.