Gürcüstanın Avropa Şurasının (AŞ) Nazirlər Komitəsinə sədrlik müddəti başa çatır.
“Report”un yerli bürosu xəbər verir ki, bu barədə Gürcüstanın xarici işlər naziri Davit Zalkaliani bildirib.
Onun sözlərinə görə, mayın 15-də Gürcüstan sədrliyi Yunanıstana təhvil verəcək.
XİN başçısı Nazirlər Komitəsinin iclasının noyabr ayında keçiriləcəyini deyib.
Qeyd edək ki, qonşu ölkə AŞ-nin Nazirlər Komitəsinə sədrliyi ötən ilin noyabrın 29-da Fransadan təhvil alıb.