Türkiyədə martın 31-də keçirilmiş bələdiyyə seçkilərinin qeyri-rəsmi nəticəsinə görə, Əskişəhər bələdiyyəsi sədri Türkiyənin ən qoca bələdiyyə rəhbəri olub.
Bu barədə "Report" "Habertürk"ə istinadən xəbər verir.
Qeyd edilir ki, bu şəxs Yılmaz Böyükerşendir. Onun namizədliyi CHP-dən irəli sürülüb.
81 yaşlı Yılmaz Böyükerşen seçkilərdə 52,26 faiz səs toplayaraq AKP-dən olan Burhan Sakallını üstələyib.
Məlumata görə, bu, onun seçkilərdə ikinci qələbəsidir. Yılmaz Böyükerşen bundan əvvəl də Əskişəhər bələdiyyəsinin sədri olub.