Ermənistanın paytaxtı İrəvanda keçirilən aksiyalarda saxlanılanların sayı 350 nəfərə yüksəlib.
“Report” xəbər verir ki, məlumatı “Aysor” yayıb.
Etirazlar davam edir.
13:00
Ermənistanın paytaxtı İrəvanda keçirilən aksiyalarda saxlanılanların sayı 84-ə çatıb.
“Report” xəbər verir ki, bu barədə yerli polis idarəsindən bildirilib.
Etiraz aksiyaları davam edir.
09:29
Ermənistan polisi sentyabrın 22-də səhər saatlarında müxalifət liderlərindən sayılan, "Ana Ermənistan" Partiyasının sədri Andranik Tevanyanı saxlayıb.
“Report” xəbər verir ki, bu barədə Ermənistan KİV-i məlumat yayıb.
Bundan başqa, polisin məlumatına görə, İrəvanda keçirilən aksiyalar zamanı daha 26 nəfər saxlanılıb.
Qeyd edək ki, A.Tevanyan Rusiyayönlü siyasi təşkilatın başçısıdır.
O, 1974-cü ildə İrəvanda anadan olub. 2021-2023-cü illərdə Ermənistan parlamentinin deputatı olub. Bu il İrəvan şəhər bələdiyyəsinə üzv seçilib. 2003-2013-cü illərdə Rusiya-Ermənistan Universitetində müəllim işləyib.
A.Tevanyan Qarabağın Azərbaycanın ərazisi olaraq tanınmasına qarşı çıxıb. O, son günlər İrəvanda hökumətə qarşı keçirilən etiraz aksiyasının təşkilatçılarındandır.