Bakıda Ümumdünya Şəhərsalma Forumunun 13-cü sessiyası (WUF13) çərçivəsində "Urban Expo" bütün WUF tarixində ən böyük sərgi olub.
"Report" xəbər verir ki, bu barədə BMT-nin Məskunlaşma Proqramının (UN-Habitat) "X" sosial şəbəkəsindəki hesabında paylaşım edilib.
Qeyd olunub ki, Bakıdakı "Urban Expo" dünyanın 66 ölkəsindən 217-dən çox təşkilatı bir araya gətirib.
Xatırladaq ki, bu gün Bakıda WUF13 çərçivəsində "Urban Expo" sərgisinin rəsmi açılış mərasimi keçirilib.