Yevlax rayonunda baş verən ağır yol-nəqliyyat hadisəsi zamanı xəsarət alan şəxslərin adları məlum olub.
"Report"un yerli bürosu xəbər verir ki, yol qəzası zamanı Gəncə şəhər sakinləri - 1986-cı il təvəllüdlü Vüsalə Əli qızı Əliyeva və 1986-cı il təvəllüdlü İsmayıl Nazir oğlu Əliyev müxtəlif dərəcəli bədən xəsarətləri alıblar.
Yaralılar xəstəxanaya çatdırılıblar. Onların vəziyyətlərinin ağır olduğu bildirilir.
*** 00:23
Yevlax rayonunda ağır yol nəqliyyat hadisəsi baş verib.
"Report"un Qərb Mərkəzinin məlumatına görə, iki "VAZ" markalı avtomobilin toqquşması nəticəsində bir neçə nəfər xəsarət alıb.
Hadisə yerinə hüquq-mühafizə orqanlarının əməkdaşları və Təcili Tibbi Yardım Stansiyasının həkimləri cəlb olunub.
Yaralılar Yevlax rayon Mərkəzi Xəstəxanasına yerləşdirilib.
Faktla bağlı araşdırmalara başlanılıb.