Ucar rayonunda yanğın hadisəsi baş verib.
“Report”un Yuxarı Şirvan bürosunun məlumatına görə, hadisə gecə saatlarında Əlikənd kəndində qeydə alınıb.
Kənd sakini, 1963-cü il təvəllüdlü Məmmədov Yusif Vahid oğluna məxsus ümumi sahəsi 120 kvadrat metrlik birmərtəbəli, dördotaqlı ev içindəki əşyalarla birgə tamamilə yanıb.
Hadisə yerinə Fövqəladə Hallar Nazirliyinin (FHN) Ucar rayon Yanğınsöndürmə Briqadasının 2 avtomobili və canlı qüvvəsi cəlb olunub və ətraf tikililər mühafizə edilib. Yanğın zamanı xəsarət alan olmasa da, evdən heç bir əşya çıxarmaq mümkün olmayıb.
Faktla bağlı araşdırma aparılır.