Ucar rayonunda avtomobil piyadanı vuraraq öldürüb.
"Report" xəbər verir ki, hadisə oktyabrın 6-da rayonun Müsüslü kəndi ərazasində qeydə alınıb.
Belə ki, 1963-cü il təvəllüdlü İlqar Həsənov idarə etdiyi "Range Rover" markalı, 10-XA-007 dövlət nişanlı avtomobillə piyada, 1989-cu il təvəllüdlü Anar Baxşəliyevi vurub. Nəticədə piyada aldığı xəsarətdən hadisə yerində ölüb.
Faktla bağlı Cinayət Məcəlləsinin 263.2-ci (Yol hərəkəti və nəqliyyat vasitələrinin istismarı qaydalarını pozma, ehtiyatsızlıqdan zərərçəkmiş şəxsin ölümünə səbəb olduqda) maddəsi ilə cinayət işi başlanılıb, istintaq aparılır.