Sumqayıt. 27 iyun. REPORT.AZ/ Sumqayıtda dənizdə meyiti tapılan kişi ilə bağlı bəzi təfərrüat məlum olub.
"Report"un yerli bürosunun məlumatına görə, bu, Sumqayıt şəhər sakini 1965-cı il təvəllüdlü İsgəndərov Elşən Mikayıl oğludur. Dənizdən meyiti tapılan şəxsin üzərində zorakılıq əlamətlərinin və bədənində bir bıçaq yarasının olduğu müəyyən edilib.
Faktla bağlı Sumqayıt Şəhər Prokurorluğunda araşdırma aparılır.
*** 08:16
Sumqayıt. 27 iyun. REPORT.AZ/ Sumqayıtda dənizdən kişi meyiti tapılıb.
"Report"un yerli bürosunun verdiyi məlumata görə, Xəzər dənizinin Sumqayıt şəhərinə düşən hissəsində kişi meyitinin olması müəyyən edilib.
Meyit FHN-nin Sularda Xilasetmə Dövlət Xidmətinin əməkdaşları tərəfindən sudan çıxarılaraq, Məhkəmə Tibbi Ekspertiza və Patoloji Anatomiya Birliyinin Sumqayıt Şəhər Şöbəsinə təhvil verilib.
Hazırda meyitin kimliyi müəyyənləşdirilir.
Faktla bağlı araşdırma aparılır.