Siyəzən rayonunda baş verən ağır yol-nqəliyyat hadisəsi zamanı ölən və xəsarət alan şəxslərin adları məlum olub.
"Report"un yerli bürosu xəbər verir ki, "KamAZ" markalı yük maşını ilə "VAZ-21010" markalı minik avtomobili toqquşub. Nəticədə 3 nəfər ağır xəsarətlər alıb. Yaralılar Siyəzən Regional Diaqnostika Mərkəzinə yerləşdirilib. Xəsarət alanlardan 2-i (hər ikisi qadındır) xəstəxanada ölüb.
Digər yaralının vəziyyəti ağırdır.
Ölənlər:
Bakı şəhər sakini, 1988-ci il təvəllüdlü İsmayılova Cəmilə Hünər qızı,
Siyəzən rayon sakini, 1986-cı il təvəllüdlü Cəbrayılzadə Gülər Həsənağa qızı.
Faktla bağlı araşdırma aparılır.
*** 21:11
Bakı-Quba yolunda ölümlə və xəsarətlə nəticələnən ağır yol-nəqliyyat hadisəsi baş verib.
"Report"un Şimal bürosunun verdiyi məlumata görə, hadisə Bakı-Quba yolunun Siyəzən rayonun Zarat kəndi ərazisindən keçən hissəsində baş verib. Hadisə zamanı ölən və xəsarət alanların olduğu bildirilir. Hadisə baş verən əraziyə hüquq-mühafizə orqanlarının əməkdaşaları və Təcili Tibbi yardım Stansiyasının həkimləri cəlb olunub.
Yaralılar “təcili yardım” avtomobili ilə xəstəxanaya çatdırılıblar.
Faktla bağlı araşdırmalara başlanılıb.