Şəkidə avtoservisdə yanğın olub.
"Report"un Şimal-qərb bürosunun məlumatına görə, yanğın şəhərin Sarabski küçəsində yerləşən avtoservisdə qeydə alınıb.
Yanğın zamanı avtoservisin daxilində olan 7 avtomobil təmiri sexi içərisindəki avadanlıqlarla birlikdə yanıb. Sexlərdən birində olan "VAZ-2107" markalı avtomobil də yanaraq kül olub.
Hadisə yerində Şəki Dövlət Yanğından Mühafizə Hissəsinin texnikaları və şəxsi heyəti cəlb olunub.
Faktla bağlı araşdırma aparılır.