Şamaxı rayonunda yol qəzasında xəsarət alanların kimliyi məlum olub.
"Report"un Şirvan bürosunun məlumatına görə, bunlar Şamaxı rayon sakini, 1952 il təvəllüdlü Nadir Qədir oglu Qədirov, Kürdəmir rayon sakini, 1985-ci il təvəllüdlü Rəvan Əlibaba oğlu Məlikov və Rusiya vətəndaşları - 1967-ci il təvəllüdlü Nataliya Məlikova və 1989-cu il təvəllüdlü Nərmin Məlikovadır.
Digər iki nəfərin isə xəsarəti yüngül olduğundan ilkin yardım göstərildikdən sonra evə buraxılıb.
*** 14:21
Şamaxı rayonunda yol qəzası baş verib.
"Report"un Şirvan bürosunun məlumatına görə, hadisə aprelin 6-da günorta saatlarında Bakı-Şamaxı-Yevlax avtomobil yolunun 119-cu kilometrliyində, Şamaxı rayonu ərazisində qeydə alınıb.
İki minik avtomobilinin toqquşması nəticəsində 6 nəfər müxtəlif dərəcəli bədən xəsarətləri alıb. Yaralılar Şamaxı Rayon Mərkəzi Xəstəxanasına aparılıb.
Qeyd edək ki, xəsarət alanlardan ikisi Rusiya vətəndaşıdır.
Faktla bağlı araşdırma aparılır.