Bakı. 20 avqust. REPORT.AZ/ Zaqatalada pul oğurladığı evin qonağını döyən şəxs tutulub.
"Report"un xəbərinə görə, bu barədə Daxili İşlər Nazirliyinin (DİN) rəsmi saytı məlumat yayıb.
Məlumata görə, avqustun 14-də Zaqatala şəhərində yaşayan Nila Voytenko Rayon Polis Şöbəsinə müraciət edib evinə gələn naməlum şəxsin 700 manatını oğurlamasını və qonağı Mesed Qazıyevanı döyməsini bildirib.
Rayon Polis Şöbəsinin əməkdaşlarının həyata keçirdikləri əməliyyat-axtarış tədbirləri nəticəsində hadisəni törədən rayon sakini, əvvəllər məhkum olunmuş Mübariz İsayev tutulub.
Faktla bağlı araşdırma aparılır.