Lənkəran. 4 may. REPORT.AZ/ Lənkəran sakini ehtiyatsızlıqdan ağır xəsarət alıb.
"Report"un Cənub bürosunun verdiyi xəbərə görə, hadisə Liman şəhəri ərazisinə yerləşən təkər təmiri sexində baş verib.
Belə ki, 1969-cü il təvəllüdlü Habil Murtuza oğlu Səfərov avtomaşının təkərinə hava vurarkən, təzyiq çox olduğundan təkər partlayıb.
Nəticədə H.Səfərov baş nahiyəsindən travmatik, kəsilmiş-deşilmiş yaralar alıb.
Yaralı Lənkəran Rayon Mərkəzi Xəstəxanasına çatdırılıb və reanimasiya şöbəsinə yerləşdirilib.
Faktla bağlı araşdırma aparılır.