Gəncə. 10 yanvar. REPORT.AZ/ Gəncə şəhərində 27 yaşlı gənc bıçaqlanıb.
"Report"un Qərb bürosunun məlumatına görə, hadisə şəhərin "Keçəllər" deyilən ərazisində qeydə alınıb.
Belə ki, Gəncə şəhər sakini, 1991-ci il təvəllüdlü Azər Ələsgərov naməlum şəxs tərəfindən küçədə bıçaqlanıb. Yaralı xəstəxanaya yerləşdirilib. Onun əməliyyatdan sonra vəziyyətinin orta-ağır olduğu bildirilir.
Onu bıçaqlayan şəxs isə hadisə yerindən qaçıb. Hazırda hüquq-mühafizə orqanlarının əməkdaşları tərəfindən hadisənin səbəbləri araşdırılır və cinayəti törədən şəxsin saxlanılması istiqamətində əməliyyat-axtarış tədbirləri həyata keçirilir.