Bakı. 16 iyul. REPORT.AZ/ Cəlilabad rayonunda ölümlə nəticələnən yol-nəqliyyat hadisəsi baş verib.
"Report"un Aran bürosu xəbər verir ki, hadisə rayonun Məşədilər kəndi ərazisində qeydə alınıb.
Belə ki, həmin kəndin sakini Məhəmməd Nuriyev idarə etdiyi “QAZel” markalı avtomobillə hərəkətdə olarkən idarəetməni itirib və yük maşınını dərəyə aşırıb. Hadisə nəticəsində sürücü M.Nuriyev müxtəlif dərəcəli bədən xəsarətləri alaraq Cəlilabad Rayon Mərkəzi Xəstəxanasına yerləşdirilib. Həkimlərin səylərinə baxmayaraq onun həyatını xilas etmək mümkün olmayıb.
Faktla bağlı araşdırmalara başlanılıb.