“Azərbaycanla qardaşlığa əsaslanan əlaqələrimiz bundan sonra da nümunəvi inkişaf edəcək”.
“Report”un xəbərinə görə, bunu ABŞ-ın Nyu-York şəhərində Azərbaycanın ekologiya və təbii sərvətlər naziri Muxtar Babayevlə görüşən Türkiyənin kənd təsərrüfatı və meşəçilik naziri Vahit Kirişçi tvitterdəki hesabında yazıb.
“Azərbaycanın ekologiya və təbii sərvətlər naziri Muxtar Babayev və onun nümayəndə heyəti ilə Türk evində görüşdük. Ortaq dil, mədəniyyət və tarixdən qaynaqlanan qardaşlığımıza əsaslanan əlaqələrimiz bundan sonra da hər sahədə bir çox ölkələrə nümunə olacaq səviyyədə inkişaf edəcək”, - Vahit Kirişçi sosial şəbəkə hesabında qeyd edib.