Bakı. 20 yanvar. REPORT.AZ/ "Əhalinin ekoloji cəhətdən təmiz su ilə təminatının yaxşılaşdırılması proqramı" çərçivəsində 2015-ci ildə 122 mindən artıq əhalisi olan 58 yaşayış məntəqəsində içməli sutəmizləyici qurğuları quraşdırılıb.
Bu barədə "Report" Ekologiya və Təbii Sərvətlər Nazirliyinin 2015-ci ildə görülmüş işlərin illik hesabatına istinadən xəbər verir.
Məlumatda bildirilir ki, hazırda 60 mindən çox əhalisi olan 54 yaşayış məntəqəsində həmin qurğular quraşdırılır.
Bununla da 384 yaşayış məntəqəsində keyfiyyətli içməli su ilə təmin edilən əhalinin sayı 625 mini keçib.