Azərbaycan COP29-un irsini qorumağa və Bakıda qəbul edilmiş qərarların icrasını irəlilətməyə dair öhdəliyi COP31-də iştirakla təsdiqləyib.
"Report" xəbər verir ki, bu barədə Azərbaycan Prezidentinin iqlim məsələləri üzrə nümayəndəsi Muxtar Babayev "X" sosial şəbəkə hesabında yazıb.
"COP31-də iştirak etmək üçün Antalyaya səfər edərək, COP29-un irsini qorumağa və Bakıda qəbul edilmiş qərarların icrasını irəlilətməyə dair öhdəliyimizi bir daha təsdiqləyirik", - o bildirib.
Qeyd olunub ki, Azərbaycan iqlim maliyyəsi, karbon bazarları və adaptasiya üzrə dinamikanı qoruyub saxlamaq, COP31 Sədrliyini dəstəkləmək və COP prosesi boyunca davamlılığı gücləndirmək üçün tərəfdaşlarla əməkdaşlıq etməyi səbirsizliklə gözləyir.